Hip hop underground

O hip hop underground (tamén coñecido comunmente como hip hop indie ou rap underground) é un termo xeral para a música hip hop que está fóra do canon comercial xeral. Normalmente asóciase con artistas independentes, asinados con selos independentes ou sen ningún selo. O hip hop underground caracterízase a miúdo por letras socialmente conscientes, positivas ou anti-comerciales.^[1] Non obstante, non hai un tema unificador nin universal: AllMusic suxire que "non ten significantes sonoros". "The Underground" tamén se refire á comunidade de músicos, fans e outros que apoian música non comercial ou independente. As escenas musicais con fortes vínculos co hip hop underground inclúen o hip hop alternativo e o hip hop político. Moitos artistas que hoxe son considerados "underground" non sempre o foron, algúns chegaron a romper as listas de Billboard.^[2]

1. ↑ Keyes, Cheryl L. (2004). Rap Music and Street Consciousness. University of Illinois Press. ISBN 0-252-07201-4. 
2. ↑ Edwards, Paul (2009). How to Rap: The Art & Science of the Hip-Hop MC. Chicago Review Press. ISBN 1-55652-816-7.